本來只係想講出香港迪士尼餐飲部過去呢一年嘅努力, 點知原來有好多人對呢個部門有誤解. 情況比想像中嚴重, 甚至出現錯誤嘅資訊. 更諷刺係嚟自演藝人員.
已經唔係政見嘅問題, 而係一個咁大嘅部門原來一直被當成外人. 餐飲部為度假區贏得咁多業界獎項, 理應係值得鼓舞同自豪, 但原來一直被當係外人贏取. 只係覺得好可惜, 大家覺得香港迪士尼各部門之間一盤散沙, 原來係真.
係唔係合作伙伴旗下嘅員工, 其實睇睇張員工證就會知道.
希望管理層能夠意識到呢個問題. 增加返各部門之間嘅凝聚力.
至於供應鏈嘅問題, 只可以話迪士尼有非常嚴格嘅規管, 冇返咁上下規模嘅供應商都未必招架得住. 其實迪士尼呢個Brand 喺市場上都唔係有太多公司敢接觸, 更莫講話涉及到同食品安全有關嘅範疇.
Search